വിശുദ്ധ യൂദാ തദേവൂസിന്റെ നൊവേന

കുരിശടയാളം

പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ. ആമേൻ.

ആരംഭ പ്രാർത്ഥന

സ്നേഹമുള്ള പിതാവേ, വിശ്വാസത്തോടും പ്രത്യാശയോടുംകൂടെ ഞങ്ങൾ അങ്ങയുടെ സന്നിധിയിൽ വരുന്നു. ഞങ്ങളുടെ തെറ്റുകൾ ക്ഷമിക്കണമേ. അങ്ങയുടെ വചനം കേൾക്കാനും അങ്ങയുടെ ഇഷ്ടം അനുസരിക്കാനും ഞങ്ങളെ സഹായിക്കണമേ. ഈ പ്രാർത്ഥനയിൽ ഞങ്ങളുടെ കുടുംബങ്ങളെയും സഹായം ആവശ്യമുള്ള എല്ലാവരെയും അങ്ങേക്കു സമർപ്പിക്കുന്നു. ഈശോമിശിഹാവഴി. ആമേൻ.

സ്വർഗ്ഗസ്ഥനായ പിതാവേ

സ്വർഗ്ഗസ്ഥനായ ഞങ്ങളുടെ പിതാവേ, അങ്ങയുടെ നാമം പൂജിതമാകണമേ. അങ്ങയുടെ രാജ്യം വരണമേ. അങ്ങയുടെ തിരുമനസ്സ് സ്വർഗ്ഗത്തിലെപ്പോലെ ഭൂമിയിലുമാകണമേ. അന്നന്നു വേണ്ട ആഹാരം ഇന്നു ഞങ്ങൾക്കു തരണമേ. ഞങ്ങളോടു തെറ്റു ചെയ്യുന്നവരോട് ഞങ്ങൾ ക്ഷമിക്കുന്നതുപോലെ ഞങ്ങളുടെ തെറ്റുകൾ ഞങ്ങളോടും ക്ഷമിക്കണമേ. ഞങ്ങളെ പ്രലോഭനത്തിൽ ഉൾപ്പെടുത്തരുതേ. തിന്മയിൽനിന്ന് ഞങ്ങളെ രക്ഷിക്കണമേ. ആമേൻ.

നന്മ നിറഞ്ഞ മറിയമേ

നന്മ നിറഞ്ഞ മറിയമേ, നിനക്കു സ്വസ്തി. കർത്താവ് നിന്നോടുകൂടെ. സ്ത്രീകളിൽ നീ അനുഗ്രഹിക്കപ്പെട്ടവളാകുന്നു. നിന്റെ ഉദരത്തിൻ ഫലമായ ഈശോ അനുഗ്രഹിക്കപ്പെട്ടവനാകുന്നു. പരിശുദ്ധ മറിയമേ, തമ്പുരാന്റെ അമ്മേ, പാപികളായ ഞങ്ങൾക്കുവേണ്ടി ഇപ്പോഴും ഞങ്ങളുടെ മരണസമയത്തും തമ്പുരാനോട് അപേക്ഷിക്കണമേ. ആമേൻ.

ത്രിത്വസ്തുതി

പിതാവിനും പുത്രനും പരിശുദ്ധാത്മാവിനും സ്തുതി. ആദിയിലെപ്പോലെ ഇപ്പോഴും എപ്പോഴും എന്നേക്കും. ആമേൻ.

വിശുദ്ധ യൂദാ തദേവൂസിനോടുള്ള അപേക്ഷ

ഈശോയുടെ ശ്ലീഹനും രക്തസാക്ഷിയുമായ വിശുദ്ധ യൂദാ തദേവൂസേ, ഞങ്ങൾക്കുവേണ്ടി പ്രാർത്ഥിക്കണമേ. വഴികൾ അടഞ്ഞതായി തോന്നുമ്പോൾ ദൈവത്തിലുള്ള പ്രത്യാശ നഷ്ടപ്പെടാതിരിക്കാൻ ഞങ്ങളെ സഹായിക്കണമേ. രോഗികളെയും ദുഃഖിതരെയും ഏകാന്തത അനുഭവിക്കുന്നവരെയും കർത്താവിനു സമർപ്പിക്കണമേ. ഞങ്ങളുടെ ആവശ്യങ്ങളിൽ വിവേകവും സഹനവും ധൈര്യവും ലഭിക്കുവാൻ മാധ്യസ്ഥ്യം വഹിക്കണമേ. ലഭിക്കുന്ന അനുഗ്രഹങ്ങൾക്ക് നന്ദിയോടെ ജീവിക്കാനും മറ്റുള്ളവരെ സഹായിക്കാനും ഞങ്ങളെ നയിക്കണമേ. ആമേൻ.

സ്വകാര്യ നിയോഗം

അൽപനേരം നിശ്ശബ്ദമായി നിങ്ങളുടെ നിയോഗം സമർപ്പിക്കാം.

കർത്താവേ, എന്റെ ഹൃദയത്തിലുള്ള ഈ നിയോഗം അങ്ങേക്കു സമർപ്പിക്കുന്നു. എനിക്കും ഞാൻ പ്രാർത്ഥിക്കുന്നവർക്കും നല്ലതായിരിക്കുന്നത് നൽകണമേ. അങ്ങയുടെ മറുപടി സ്വീകരിക്കാനുള്ള വിശ്വാസവും മറ്റുള്ളവരെ സ്നേഹിക്കാനുള്ള മനസ്സും എനിക്കു തരണമേ. ആമേൻ.

നന്ദിയും സമർപ്പണവും

പിതാവേ, ഞങ്ങളുടെ പ്രാർത്ഥന കേൾക്കുന്നതിന് നന്ദി. ഇന്നത്തെ ദിവസം അങ്ങയുടെ സ്നേഹത്തിൽ ജീവിക്കാനും ഞങ്ങൾ കണ്ടുമുട്ടുന്നവരോടു കരുണ കാണിക്കാനും ഞങ്ങളെ സഹായിക്കണമേ. പരിശുദ്ധാത്മാവ് ഞങ്ങളെ നയിക്കട്ടെ. എല്ലാം അങ്ങയുടെ തിരുമനസ്സിനു സമർപ്പിക്കുന്നു. ഈശോമിശിഹാവഴി. ആമേൻ.

കുരിശടയാളം

പിതാവിന്റെയും പുത്രന്റെയും പരിശുദ്ധാത്മാവിന്റെയും നാമത്തിൽ. ആമേൻ.