ദൈവമേ, അങ്ങേ ദിവ്യകരുണയാൽ ഞങ്ങളുടെ ഭവനത്തെ അനുഗ്രഹിക്കണമേ.
ദിവസത്തിന്റെ അധ്വാനങ്ങളിൽ ഞങ്ങൾക്ക് തുണയായതിന് സ്തുതി.
ഞങ്ങളുടെ കുറവുകൾ ക്ഷമിച്ച്, സ്നേഹത്തിലും ഐക്യത്തിലും ഞങ്ങളെ കാത്തുകൊള്ളണമേ.
ഭാഗം 2 • കർത്തൃപ്രാർത്ഥന
കർത്താവു പഠിപ്പിച്ച പ്രാർത്ഥന
സ്വർഗ്ഗസ്ഥനായ ഞങ്ങളുടെ പിതാവേ,
അങ്ങയുടെ നാമം പൂജിതമാകണമേ;
അങ്ങയുടെ രാജ്യം വരണമേ;
അങ്ങയുടെ തിരുവിഷ്ടം സ്വർഗ്ഗത്തിലെപ്പോലെ
ഭൂമിയിലുമാകണമേ.
ഞങ്ങൾക്ക് ആവശ്യമായ ആഹാരം
ഇന്നു ഞങ്ങൾക്ക് തരണമേ;
ഞങ്ങളോട് തെറ്റു ചെയ്യുന്നവരോട്
ഞങ്ങൾ ക്ഷമിച്ചിരിക്കുന്നതുപോലെ
ഞങ്ങളുടെ തെറ്റുകൾ ഞങ്ങളോടും ക്ഷമിക്കണമേ;
ഞങ്ങളെ പ്രലോഭനത്തിൽ ഉൾപ്പെടുത്തരുതേ;
തിന്മയിൽ നിന്നു ഞങ്ങളെ രക്ഷിക്കണമേ.
ആമേൻ.
ഭാഗം 3 • മാലാഖയുടെ അഭിവാദനം
നന്മ നിറഞ്ഞ മറിയമേ നിനക്കു സ്വസ്തി,
കർത്താവ് നിന്നോടുകൂടെ,
സ്ത്രീകളിൽ നീ അനുഗ്രഹിക്കപ്പെട്ടവളാകുന്നു,
നിന്റെ ഉദരത്തിൻ ഫലമായ ഈശോ അനുഗ്രഹിക്കപ്പെട്ടവനാകുന്നു.
പരിശുദ്ധ മറിയമേ, തമ്പുരാന്റെ അമ്മേ,
പാപികളായ ഞങ്ങൾക്കുവേണ്ടി
ഇപ്പോഴും ഞങ്ങളുടെ മരണസമയത്തും
തമ്പുരാനോട് പ്രാർത്ഥിക്കണമേ.
ആമേൻ.
ആവർത്തിക്കുക: 3 തവണ
ഭാഗം 4 • സമാപനം
പിതാവിനും പുത്രനും പരിശുദ്ധാത്മാവിനും സ്തുതി;
ആദിയിലെപ്പോലെ ഇപ്പോഴും എപ്പോഴും എന്നേക്കും. ആമേൻ.
